![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Alnus glutinosa | |
---|---|
Un alberniz (Alnus glutinosa). | |
Denominacions populars | |
Estau de conservación | |
Clasificación cientifica | |
Eukaryota | |
Plantae | |
Fagales | |
Betulaceae | |
Alnus | |
A. glutinosa | |
Descripción | |
Distribución cheografica | |
Distribución de l'alberniz. |
L' alberniz europeu (Alnus glutinosa (Gaertn, 1791)[4]) ye una especie de planta d'a orden d'os Fagales y familia Betulaceae que ye nativa d'a mayor parti d'Europa, o sudueste d'Asia y lo norte d'Africa. Prospera en puestos humidos an a suya asociación con a bacteria Frankia alni le permite creixer en soleros de mala calidat. Ye un árbol de grandaria meyana y vida curta que alcanza una altaria de dica 30 metros. Os suyos fruitos son chicoz, redondiaus y tienen forma de cono y as simients s'esparden per l'aire y l'augua.
L'alberniz europeu proporciona birolla y cubillar pa a vida montesina, con una serie d'insectos, líquens y fongos que dependen de tot de l'árbol. Ye una especie pionera, que coloniza terrenos yermos y forma selvas mixtas a medida que amaneixen atros árbols a lo suyo paso.
L'alberniz europeu ye mas conoixiu per a suya relación simbiotica con a bacteria Frankia alni, que forma nodulos en as radices de l'árbol. Ista bacteria absorbe nitrochén de l'aire y lo fixa en una forma disponible pa l'árbol. A cambio, a bacteria recibe productos de carbonio producius per l'arbol a traviés d'a fotosintesi. Ista relación, que millora a fertilidat d'o solero, ha situau l'alberniz europeu como una important especie pionera en a succesión ecolochica.